З 17 па 21 лютага ў бібліятэцы калледжа праходзілі мерапрыемствы ў межах Тыдня роднай мовы. Выразныя чытанні, выстава сялянскага быту, гастранамічная вандроўка, сцікер-акцыя, інтэрактыўная выстава літаратуры да юбілею беларускіх пісьменнікаў І.Навуменкі, Р.Барадуліна сабралі прыхільнікаў роднай мовы.

Падчас падарожжа па краіне роднай мовы ўдзельнікам давялося зрабіць прыпынкі, на якіх выконваліся розныя заданні, такія як загадкі, шарады, рэбусы, крыжаванкі. Даспадобы прыйшлася дэгустацыя кулінарных страў з вядомых твораў беларускіх пісьменнікаў: Я.Коласа “Новая зямля”, К.Вераніцына “Тарас на Парнасе”, Н.Гілевіча “Родныя дзеці”, У.Караткевіча “Дзікае паляванне караля Стаха”, Л.Дайнэкі “Меч князя Вячкі” і інш.