24 студзеня навучэнцы каледжа сустрэліся з гродзенскай пісьменніцай Ірынай Салата. Аматары паэзіі і прозы ўважліва слухалі Ірыну Аркадзьеўну, задавалі пытанні не толькі пра творчасць, але і пра асабістае жыццё, пра захапленні творчага чалавека. Ірына Салата расказала навучэнцам пра тое, што пісаць кароткія апавяданні, эсэ, замалёўкі прыроды яна пачала не так даўно, але першы вопыт аказаўся ўдалым, і вось ужо некалькі выдавецтваў надрукавала яе творы.
Сустрэча прайшла ў творчай атмасферы, усе ўдзельнікі атрымалі задавальненне, дакрануўшыся да сапраўднага мастацтва.