У далёкім 1882 годдзе нарадзіліся адразу два выдатныя сыны Беларусі, волаты мастацкага слова – Янка Купала і Якуб Колас. Нягледзячы на стагоддзі, яны і сёння зоркі першай велічыні на небасхіле літаратурнай нівы. З нагоды юбілейнай даты супрацоўнікі бібліятэкі разам з навучэнцамі, якія ўваходзяць ў склад Савета бібліятэкі, распрацавалі відэачасопісы, прысвечаныя жыццю і творчасці пісьменнікаў. Прагляд відэаролікаў быў арганізаваны ў фае каледжа 24 чэрвеня.