План мерапрыемстваў
Тыдня роднай мовы
“Як ты дорага мне, мая родная мова!”
№ п/п | Назва мерапрыемства | Месца правядзення | Тэрмін правядзення | Адказныя |
1. | Дыктант, прымеркаваны да Дня народнага адзінства | Кабінет №14 | 16.09.2022 | Новік І.С., Вышкевіч С.Ф., Максімчык К.Р. |
2. | Акцыя “Размаўляй са мной па-беларуску” | Фае каледжа | 19.09.2022 | Новік І.С., Вышкевіч С.Ф., Максімчык К.Р. |
3. | Марафон “Мова родная – мова модная” (выкананне беларускіх песень) | Фае каледжа | 19.09.2022 | Баран В.М. |
4. | Стварэнне інтэрактыўнага воблака слоў “Маё першае слова па-беларуску” | Кабінет №45 | 19.09.2022 | Новік І.С., Вышкевіч С.Ф., Максімчык К.Р. |
5. | Гастранамічны фэст “Беларуская кухня”: ТОП-10 страў беларускай кухні | Фае каледжа | 20.09.2022 | Новік І.С., Вышкевіч С.Ф., Максімчык К.Р. |
6. | Конкурс эсэ “За што я люблю родную зямлю” | Кабінет № 14 | 21.09.2022 | Новік І.С., Вышкевіч С.Ф., Максімчык К.Р. |
7. | Флаер –фэст “ У любімай мове, роднай, наскай, Ах,якія словы…” | Фае каледжа | 21.09.2022 | Новік І.С., Вышкевіч С.Ф., Максімчык К.Р. |
8. | Акцыя “Чытаем вершы пра родную мову” | Кабінет № 14 | 22.09.2022 | Новік І.С., Вышкевіч С.Ф., Максімчык К.Р. |
9. | Прэзентацыя серыі кніг “Скарбонка гістарычнай памяці” | Бібліятэка каледжа | 22.09.2022 | Шульгач Н.М. |
10. | Філворд, прысвечаны 140-годдзю з дня нараджэння Я.Купалы | Кабінет № 14 | 22.09.2022 | Новік І.С., Вышкевіч С.Ф., Максімчык К.Р. |
11. | Акцыя “Чытаем Максіма Танка разам” | Кабінет № 14 | 23.09.2022 | Новік І.С., Вышкевіч С.Ф., Максімчык К.Р. |
12. | Выстава вучэбнай літаратруры па беларускай мове “Сэрцам роднага слова краніся” | Бібліятэка каледжа | На працягу тыдня | Шульгач Н.М. |
16.09.2022 навучэнцы каледжа далучыліся да напісання Рэспубліканскага дыктанта, прымеркаванага да Дня народнага адзінства. Падчас напісання тэксту моладзь узнавіла веды па гісторыі Беларусі, звязаныя з аб’яднаннем Заходняй і Усходняй Беларусі.
Дзень народнага адзінства – напамін нашчадкам пра неабходнасць захавання адзінства і незалежнасці Беларусі!
19 верасня ў каледжы прайшла акцыя “Гавары са мной па-беларуску”. Галоўная мэта мерапрыемства: пашырэнне і папулярызацыя беларускай мовы. Моладзь мела магчымасць пашырыць свае веды па мове, даведацца значэнні незнаёмых слоў.
Да акцыі далучыліся выкладчыкі, майстры вытворчага навучання, работнікі каледжа.
19 верасня 2022 года, у рамках Тыдня роднай мовы навучэнцы каледжа стварылі інтэрактыўнае воблака слоў “Маё першае слова па -беларуску”.
Кожнае слова на роднай мове важкае і значнае, але найперш навучэнцы вылучылі словы “Беларусь”, “адзінства”, “Радзіма”, “мова”, якія адклікаюцца ў сэрцы кожнага беларуса.
19 верасня ў каледжы прайшоў марафон “Мова родная – мова модная”. Навучэнцы з задавальненнем выконвалі беларускія песні, слухалі сучасных выканаўцаў. Марафон падтрымалі і дарослыя: майстры вытворчага навучання і выкладчыкі. Асабліва ўсім спадабаліся песні ў выкананні сучаснага гурта “Дразды”.
20 верасня 2022г, у каледжы прайшоў віртуальны гастранамічны фэст “Беларуская кухня”. Навучэнцы падрыхтавалі ТОП – 10 страў беларускай нацыянальнай кухні.
Беларуская кухня мае даўнюю гісторыю. Самабытныя стравы, якія дайшлі да нас з глыбіні стагоддзяў, сведчаць пра рацыянальнасць, эканамічнасць і разнастайнасць харчавання нашых продкаў. Вядома, сучасная беларуская кухня вельмі адрозніваецца ад старажытнай, але кулінарныя прыхільнасці беларусаў і сёння захоўваюць нацыянальную самабытнасць. Наш ТОП – 10 таму відавочны доказ.
21 верасня навучэнцы каледжа прымалі ўдзел у конкурсе эсэ “За што я люблю родную зямлю”. Работы канкурсантаў вызначаліся арыгінальнасцю, стылістычным багаццем, творчым падыходам да раскрыцця тэмы. Пераможца конкурсу – навучэнка групы 53 ПР Кухарэнка Дар’я.
21 верасня адбыўся флаер – фэст ” У любімай мове,роднай, наскай, ах, якія словы..”.Удзельнікі гэтага мерапрыемства прыйшлі да высновы, што ў беларускай мове вельмі шмат цудоўных, незвычайных, непаўторных слоў і выслоўяў. Наша мова – спадчына, якую мы атрымалі ад сваіх бацькоў і дзядоў і павінны перадаць яе наступным пакаленням.
22 верасня прайшла акцыя “Чытаем вершы пра родную мову”
Аматары беларускай літаратуры з задавальненнем чыталі творы Купалы, Коласа, Багдановіча. Сучасная беларуская літаратура таксама была прадстаўлена на сустрэчы навучэнцаў.
22 верасня ў каледжы прайшоў конкурс на лепшага знаўца творчасці Янкі Купалы. Навучэнцам было прапанавана разгадаць філворд “Жыццё і творчасць Янкі Купалы”. Юнакі і дзяўчаты з цікавасцю выконвалі заданне, бо менавіта разгадванне філвордаў дапамагае не толькі пашырыць кругагляд, але і вучыць яшчэ ўважлівасці, развівае памяць.
Пераможцам конкурсу стала Завугольнік Ганна, навучэнка групы 50 ПК, якая змагла правільна выканаць заданне і знайсці максімальную колькасць слоў. Віншуем!!!